愛的故事（下集）

在面書上看見 V 和 H 去沙灘嬉水摸蜆的照片，才想起 － 哦！對了！要補回這一篇 － 「愛的故事 下集」，各位看倌久等了，here you go~

話說我因為外遊錯過了與姊妹的聚會，回港後當然第一時間跟進 －

little stone: "A belated happy birthday from me, V. Sorry I only got back late last night. So did you gals go out?"

V: "of coz we did...hey girls, 響你地既鼓勵下，我接受咗 H 喇…..."

嘩嘩嘩！咩事呢？離港不夠一個星期，事情竟如此峰迴路轉？

「......不過我地唔會公開住......佢話明白我既心情，會等我慢慢中意佢......

「而家知道呢件事既只有你地同 K。

「佢同 K 分享佢既喜悅，點知俾 K 寸，話『你終於獻出你既初戀！！全世界都知道你等緊佢……十八年，好似神雕俠侶，佢都可以做小龍女，你就似金輪法王多 d，不過話哂都係同一部小說既人物......』諸如此類，搞到 H 好激氣，哈哈！

「我同佢講你地竟然出奇地很支持佢，佢覺得好開心同感動呀～

「報告完畢！」

我深感懊惱，很明顯我錯過了一次十分精彩的聚會。不過，細節至此已無關痛癢，最重要的是 V 沒有陷於失戀的傷痛難以自拔。

至於 H，他是 V 的眾多男性知己之一。我倒不知道他一直以來沒女朋友。便是沒有，也以為那是因為他是一個電車男之故，沒想過他會是在等 V。

近年見面，發現他比中學時有進步, 似乎是他們那堆 geek 中比較正常的一個。

一般來說，這種分手不久馬上出現的戀情都不被看好。不過，他倆認識多年，性情相近，說不定就此修成正果亦未可知，善哉善哉。